लगानी सम्मेलन बाहिर सेयर कारोबारीहरुको विरोध, विश्व बैंकका उपाध्यक्षको पनि आगमन
राजधानीमा शुरु भएको तेस्रो लगानी सम्मेलनमा विश्व बैंकका भाइस प्रसिडेन्ट मार्टिन रेजर पनि सहभागी हुन लागेका छन् । उनी गएराति सवा १२ बजे श्रीमती मारिया मुलर गुर्टुडसँगै काठमाडौं आइपुगेका हुन् ।
उनी कतार एअरवेजको उडान नम्बर क्युआर ६४४ मा दोहा हुँदै आएको बुझिएको छ ।
राजधानीको सोल्टी होटलमा लगानी सम्मेलन २०२४ शुरु भएको छ । इमर्जिङ नेपाल इन्भेष्टमेन्ट समिट २०२४ मा नेपालसहित ५५ मुलुकका १६ सयभन्दा बढी सहभागी रहेको इन्भेष्टमेन्ट बोर्डले जनाएको छ ।
पुँजी बजार सुधार र विस्तारका लागि आन्दोलन परिचालन समितिले सोल्टीमोडमा विरोध कार्यक्रम राखेको छ । उनीहरु बिहान साढे ७ बजेदेखि आन्दोलनमा उत्रेका छन् ।
टिप्पणीहरू