आरजू राणाद्वारा पोषणमा बजेट माग
नेपाली काँग्रेसका सभापति शेरबहादुर देउवा पत्नी तथा सो पार्टीकी सांसद डा. आरजु राणाले पोषणको क्षेत्रलाई प्राथमिकतामा राखेर बजेट विनियोजन गर्न सरकारसँग माग गर्नुभएको छ ।
आज ललितपुरमा आयोजित ‘नेशनल कन्सल्टेटिभ वर्कशप अन न्युत्रिसन’ विषयक कार्यक्रमलाई सम्बोधन गर्दै उहाँले सो माग राख्नुभएको हो । त्यसक्रममा राणाले पोषणको क्षेत्रमा सरकारले बजेट बढाउनुपर्नेमा पनि जोड दिनुभयो ।
बालबालिकाले पाउने पोषणका आधारमा भविष्यमा कस्तो नागरिक हुन्छन् भन्ने निक्र्यौल हुने उल्लेख गर्दै उहाँले त्यसनिम्ति राज्य गम्भीर हुनुपर्ने बताउनुभयो । सांसद राणाले पोषणलाई नीतिगत प्राथमिकतामा पार्न तीनै तहका सरकारले पहल लिनु जरुरी भैसकेको पनि उल्लेख गर्नुभयो ।
उहाँले कृषि क्षेत्रमा पनि सरकारले बजेट बढाउनुपर्छ भन्ने पक्षमा आफू रहेकोसमेत सो क्रममा जानकारी दिनुभयो ।
ट्रेन्डिङ पोस्ट
टिप्पणीहरू