साउदी अरेबिया पहिलो पटक सुन्दरी प्रतियोगितामा, २७ वर्षीया रुमी पहिलो सुन्दरी

साउदी अरेबियाकी युवती रुमी अल्कातानीले यो वर्षको मिस युनिभर्समा भाग लिने भएकी छन् । साउदी अरेबियाले यो वर्ष सुन्दरी प्रतियोगिताको इतिहासमा पहिलो पटक भाग लिन लागेको छ ।

यो वर्षको मिस युनिभर्स आगामी सेप्टेम्बर १८ का दिन मेक्सिकोमा हुँदैछ । उक्त प्रतियोगितामा २७ वर्षीया रुमीले मुलुकको तर्फबाट पहिलो पटक भाग लिन लागेको सामाजिक सञ्जालमा जनाइएको छ ।

मुस्लिम महिलाहरुमाथि कडा प्रतिबन्ध कायम रहेको साउदी अरेबियाको पछिल्लो कदमलाई लिएर सर्वत्र चर्चा र चासो बढेको छ । परम्परागत धार्मिक संस्कारमा रमाउँदै आएको उक्त समाजबाट महिलालाई विश्वमञ्चमा क्याट वाक गर्न दिनुलाई धेरैले साउदी अरेबियाको सकारात्मक कदम भनेका छन् ।