गाई काटेर मासु भाग लगाइरहेका तीन जना पक्राउ

गोरुको मासु खाएको विषयले धरानमा धार्मिक विवाद चर्किरहेका बेला तनहुँमा गाई काटेको आरोपमा तीन जना पक्राउ परेका छन् । 

शुक्लागण्डकी नगरपालिका वडा नं.६ कमलबोटका २९ वर्षीय रमेश नेपालीसहित तीन जना गौहत्याको अभियोगमा समातिएका हुन् । नेपालीले आफ्रनै घरमा पाल्दै आएको गाईलाई बारीमा लगेर काटेको गोप्य सूचनाका आधारमा ईलाका प्रहरी कार्यालय बेलचौतारबाट खटिएको प्रहरी टोलीले हिजो साँझ उनीहरुलाई पक्रेको जनाएको छ । 

प्रहरीका अनुसार उनीहरु गाई काट्दै गरेको अवस्थामा फेला परेका थिए । पक्राउ परेकामाथि थप आवश्यक अनुसन्धान भइरहेको प्रहरीले जानकारी गराएको छ ।