सडकमा माटो झार्दा १५ हजार फाइन
काठमाडौँ महानगरपालिकाले सडकमा जथाभावी माटो झार्ने एक गाडीलाई जरिवाना तिराएको छ ।
महानगरीय प्रहरी बलले रोशन कन्स्ट्रक्सनको गाडीलाई सडकमा माटो झारेको भन्दै १५ हजार रुपैयाँ जरिवाना तिराएको हो । गाडीले थापाथलीदेखि त्रिपुरेश्वरसम्म माटो झारेको महानगरपालिकाले जनाएको छ ।
पछिल्लो समय महानगरपालिकाले सहरलाई व्यवस्थित बनाउन विशेष अभियान सञ्चालन गर्दै आइरहेको छ ।
सार्वजनिक जग्गा अतिक्रमण गरी बनाइएका घर, टहरा हटाउनुका साथै जथाभावी फोहोर फाल्नेलाई पनि महानगरपालिकाले जरिवाना तिराउँदै आएको छ ।
टिप्पणीहरू