बाल अस्पतालमा बिरामीको चाप बढ्दो, कर्मचारी संख्या घट्दो
काठमाडौंको महाराजगञ्जस्थित कान्ति बाल अस्पतालले करार सेवामा कर्मचारी मागेको छ । अस्पतालले मेडिकल अधिकृतसहित ४४ जनाका लागि दरखास्त आह्वानका लागि विज्ञापन गरेको छ ।
मेडिकल अधिकृत १९ जना, नर्सिङ्ग अधिकृत एक जना र स्टाफ नर्स २४ जना आवश्यक रहेको बताइएको छ । योग्यता पुगेका इच्छुक नेपाली नागरिकले आगामी १५ दिनभित्र दरखास्त दिन सकिने जनाइएको छ ।
मान्यताप्राप्त शिक्षण संस्था वा विश्वविद्यालयबाट सम्बन्धित विषयमा नेपाल स्वास्थ्य सेवा नियमावली, २०५५ को अनुसूची ६ बमोजिम सम्बन्धित समूह तथा उमसमूहमा रहने पदको लागि तोकिएको योग्यता पूरा गरेको हुनुपर्नेछ ।
त्यस्तै, दरखास्त दिने अन्तिम मितिसम्म १८ वर्ष उमेर पूरा भई ४५ वर्ष ननाघेको हुनुपर्ने र विस्तृत जानकारी अस्पताल प्रशासन कार्यालयमार्फत् लिन सकिने भनिएको छ ।
पछिल्लो समय अस्पतालमा बिरामीको चाप उल्लेख्य मात्राले बढेको छ ।
टिप्पणीहरू